Ronaldo hlau rawh u – Iniesta

Spain boruak duhawm lo karah World Cup 2010-a Spain champion puitu Andres Iniesta chuan a ṭhiante chu Cristiano Ronaldo ngaihthah lo turin a fuih.

Barcelona legend chuan, "Cristiano hi a khelhna team tan chuan player pawimawh a ni zel a, chu chu Portugal nen pawh a danglam lo," a ti a, Ronaldo laka inven bik a sual loh tur thu a sawi.

Season thar aṭanga Japanese club Vissel Kobe tana khel tur midfielder chuan sawi zawmin, "Portugal hi team ṭha tak an nih avangin awlsam taka hneh theih an ni dawn lo a, kan ṭhat theih dan bera kan khelh a ṭul ang.

"World Cup-ah chuan tihsual ho te hi a pawi thui em em ṭhin a, hma taka tlak hi a harsa lo," a ti a, a ṭhiante chu fimkhur turin a chah.