Birmingham-ah Sharapova inlan dawn lo

Maria Sharapova chuan kar leh chhunga khelh tur Birmingham Open-ah inlan tumin hming pe tawh mah se, a duh angin a fit tawk loh avangin a inhnukdawk - a zawna season thum a khelh theih tawh lohna Wimbledon lama inlan a duh vang a ni.

Kum 31 mi hian 2004 khan tleirawlte ni chungin Wimbledon nomawi hi a lo chawi a. Mahse, tun hnaiah a inlan ngai lo, damdawi hman phal loh a hman vanga hrem a nih tawh bakah season hmasa khan hliam vangin a khel thei lo.

Grand Slam vawi nga champion tawh Sharapova hi French Open-ah khan a inlan a, quarterfinal hial thleng ve mah se Garbine Mu­guruza a hneh lo a ni.

Russian nula Shrapova chuan, "Ka taksa ka dim a ngai, hei vang hian a chang chuan chawlh ka mamawh tihna a ni," a ti. Sharapova hi hrem a nih vanga a inkhelh loh chhung khan ranking lamah 262-naah a tlahniam hman a, mah se tunkar tira ranking chhuak thar berah erawh 23-na a ni leh tawh thung.