Konta a kal tluang

British nula Johanna Konta chuan grass court season a hman ṭhat a chhawm nung zel a, Ningani zan khan Heather Watson hnehin Nature Valley Open last 16 a paltang a, nizan khan quarterfinal khel lehin he thu buatsaih lai hian result kan hre hman lo.

Kum 26 mi Konta hian Fed Cup lama a team­mate lakah hian 6-4, 7-6 (7-5) in hnehna a chang a, inkhel dangah Katie Boulter chuan 2011 US Open champion Sam Stosur hnehin WTA hnuaia inelnaah a vawi khat nan quarterfinal a lut ve bawk.

French Open khelh zawh takah khan Konta hian first round pawh a tlan tlang thei lo a, ranking lamah pawh 22-naah a tlahniam tawh. Clay-ah khel ṭha lo mah se Wimbledon finalist hian season hmasa ang bawkin grass-ah beiseina a nei sang hle.