Leeds United boss thar Bielsa

Championship club Leeds United chuan coach thar atana Marcelo Bielsa an lakluh thu an puang a, kum hnih chhung atan contract an ziahpui.

Argentine manager tawnhriat ngah tawh tak hian kum khatah pound maktaduai 2.5 a hlawh dawn a, Leeds United-in coach an neih tawh zinga hlawh hnem ber a ni dawn.

English club lar tak ni ṭhin Leeds hian June 1 khan an coach Paul Heckingbottom chu an ban a, Bielsa hi an duhthlan hmasa ber niin an chang thei hi an lawm hle.

Argentina leh Chile pawh lo en­kawl tawh coach chuan, "Leeds ka enkawl thei tur hi ka lawm hle. England-a hnathawh hi ka chak ṭhin a, sawmna pawh ka hmu fo. Mahse, Leeds ang club sulhnu nei ṭhain min sawm hun hi ka nghak ṭhin a ni," tiin a sawi.