Gerrard hna a hautak dawn

Steven Gerrard-a'n season thar aṭangin Scot­tish club lian Ran­gers a enkawl dawn a, nimin khan Scottish Premiership fixtures tihchhuah niin Li­verpool captain hlui hma­bak a hautak nghal dawn hle.

Gerrard hian a league match hmasa berah season li chhung a zawna Scottish Premiership-a pahnihna ni tawh Aberdeen a hmachhawn nghal dawn a, match linaah Scottish football thununtu Celtic nen Old Firm derby an khel nghal bawk ang.

Celtic hian season hnih liam taah khan Scot­tish football-a nomawi chawi theih zawng zawng an chawi vek a, Liverpool boss hlui Brendan Rodgers enkawlna hnuaiah awm mekin Gerrard nena an intawng tur hian ngaihven a hlawh hle.