FIFA World Cup leh Video Assistant Referee

VAR hman an phal
FIFA World Cup chanchina a vawi khat nan Video assistant referee (VAR) hman a ni ta a, he technology hmang tur hian football dan siamtu International Football Association Board (IFAB) chuan March 3, 2018 khan thutlukna an siam a, March 16, 2018 khan Colombia khawpuia FIFA Council chuan a pawmsak.

VAR hman theihna
VAR hi foul zawng zawngah hman a ni lo a, hman theihna bik a awm. A hman theihna te chu
Goal: Goal luhna tur kawngah dan bawhchhiatna a awmin.
Penalty: Penalty chungchanga thutlukna siam nan
Direct Red card: Red card pek theih tur enfiah nan hman theih a ni a, yellow card a huam lo.
Player hriat sualah: Referee-in player ni lo zawk red card emaw yellow card hmanga a hremin.

Goalline Technology lam hi...
FIFA World Cup hnuhnung ber Brazil-a neih a nih khan hlawhtling takin Goalline Technology hman a ni tawh a, tun ṭum inelnaah pawh a ṭhatna a lang leh ta.
France midfielder Paul Pogba chuan minute 80-naah Australia keeper Mathew Ryan a pet khum a, ball chuan crossbar a per hnuah goal chhung aṭangin a sawt chhuak. Referee Andres Cunha chuan goal tiin thutlukna a siam a, Uruguayan referee hman ṭangkai chu Goalline Technology a ni.
GLT hian ball-in line a pelh leh pelh loh chauh a en a, ball-in line a pelh chiah khan referee sanaah 'GOAL' tih a inziak a. Referee-in thil thlen dan hre tur hian second khat pawh a mamawh tling lo. GLT hmanga thutlukna siam turin inkhel tih-khaihlak a ngai lo,

VAR hman dan ;

Thil thleng a awmin

Referee a chiang tawk lo a nih chuan VAR hnenah headset kaltlangin thil thleng/thutlukna ennawn a ṭul thu a hrilh ang. Hetiang chiah hian VAR-in head referee chu thil thleng/thutlukna ennawn turin thurawn a pe thei bawk.

Inkhel an titawp ang a, referee-in ennawn a nih tur thu lantir nan boruakah a kutin 'rectangle' (kil li nei) a ziak ang.

VAR-in replay a en ang a, head referee hnenah an hmuh dan an hrilh chhawng ang.

Referee-in VAR aṭanga thu a hmuh hnuah chi thumin thutlukna a siam thei ang.
A thutlukna siam sa chu a thlak danglam ang.
A thutlukna a kaltlangpui ang.

Referee-in mual sira TV hmangin amah ngeiin replay
a en ang a, chumi zawhah thutlukna a siam ang.

Player emaw coach zingah VAR hmang tura referee nawr lui an awm a nih chuan referee-in a hrem thei ang.