India tan Jeremy leh Chhani

Mizo ritchawi chak pahnih Jeremy Lalrin-nunga leh Lalchhanhimi te chu India tan an feh chhuak dawn. 2021 IWF Senior World leh Commonwealth Senior Weightlifting Cham-pionship neih turah anni pahnih hi India aiawh tur zinga tlan an ni.

December 4-18 chhung hian Tashkent, Uzbekistan-ah inelna hi neih a ni dawn, inelna hmachhawn tur hi Indian Weightlifting Federation chuan tun hnai khan a puang chiang a, inbuatsaihna pawh ngawrh taka kalpui mek a ni bawk.

Commonwealth Games 2018-ah khan Jeremy leh Chhani hi an inlan tawh, tun ṭuma hian Jeremy hi 67kg huangah a khel dawn; Chhani hi 71kg huangah a khel thung ang - inelna liana Mizo pahnih inlan thei tur hi Mizoram Weightlifting Association tan chanchin ṭha a ni.

Kumin bikah Jeremy leh Chhani hian Senior National-ah gold medal an chawi chhuak ve ve. Patiala, Punjab-ah Jeremy hi India camp-a awm sa ni a, Mizo nula Chhani pawhin India camp hi a zawm ve bawk ang.

India team hi mipa 10 leh hmeichhia 10 ve ve an ni. Tun ṭuma ti ṭhate hi 2022 Commonwealth Games neih turah an tel thei dawn a, medal a pawimawh rualin inelna lian hmachhawn tur zawnna a nih nghal avangin a pawimawh hle.