President's Cup 2021 ; A thiam pariat inel ṭan dawn

Vawiin aṭangin Presi-dent's Cup 2021 chu quarterfinal khelh ṭan a ni dawn, inkhel pahnih a awm ang. Champion tura rinkai Chhinga Veng leh Chanmarians an inlan dawn a, inkhel a hmuhnawm ang.

Chhinga Veng hian Legends an hmachhawn dawn, inkhel hnuhnung zawkah Chanmarians leh Hunthar an intum bawk ang. Vawiina inlan tur team pali hi Mahuma Memorial leh Khaled Memorial lama boruak nei ṭha kha an ni.

Nimin Suaka Ground, Sihhmuia inkhel hmasa zawkah Ramhlun Venglai Junior leh Lily Veng te an inkhel tawk hle, hun pangngaiah 69 runs ve ve an siam. Super Over khelh niin 5 runs ve ve an siam leh, super over vawi hnihnaah Lily Cricket Club an vannei ta zawk.

Inkhel hnuhnung zawkah Armed Veng chuan Zemabawk Pitchers lakah wicket sarihin hnehna an chang ve bawk a ni.