SABA Championship-ah India an champion dawn

Mizo tlangval Lalrina Renthlei telna India team chuan nimin khan Sri Lanka 114-48 in an hneh a, match hmasa bera Maldives an hneh tawh bawk avangin SABA Championship-ah hian champion turin an dinhmun a ṭha hle.

Dhaka, Bangladesh-a inelna neihahah hian team pali India, Sri Lanka, Bangladesh leh Maldives te an tel a, vawi khat ṭheuh an inkhelh chhuah hnua point hmu sang ber an a champion dawn. India hian November 19, Zirtawpni tlai dar 3:30-ah Bangladesh la hmachhawn dawn mah se Sri Lanka-in Bangladesh hi 67-56 a an hneh tawh avangin Lalrina telna team tan champion turin hna harsa a awm tawh lo.

Tuikhuahtlang tlangval hian Sri Lanka lakah hian minute 12 a inlan a, point ruk neiin assist leh rebounds vawi thum ve ve a nei a, steal vawi hnih a nei bawk.

SABA Championship-ah hian India hian record an nei ṭha ber hrim hrim a, ṭum sarih an neih tawhah vawi nga an champion. Sri Lanka (2018) leh Bangladesh (2013) te hi vawi khat ve ve an champion tawh a, tun ṭumah erawh India hi team dang chunga leng an ni.