Muguruza leh Kontaveit an tlang

WTA Finals khelh mekah a thiam pahnih chauh an bang tawh. Garbine Muguruza leh Anett Kontaveit te chuan an khingpui ve ve hnehin final an lut, tukin hian nomawi an inchuh chhunzawm leh nghal ang.

Nimin zing inkhelah Muguruza hian Paula Badosa chu 6-3, 6-3 a hnehin final a lut a, semifinal inkhel pakhat zawkah Kontaveit pawhin Maria Sakkari chu 6-1, 3-6, 6-3 a hnehin a tlang ve bawk a, a champion zui thei a nih chuan tennis a khelh hun chhunga a nomawi lian ber a ni dawn.

Player pahnih hi group match lamah an lo inhmachhawn tawh, tawnhriat nei ṭha zawk Muguruza hian 6-4, 6-4 in hnehna a chang a, final inkhelah pawh chak zawk tura rinkai leh boruak nei lian zawk a ni ang.