World Cup qualifier Europe-a goal khung tam Depay leh Kane

Europe aṭanga World Cup khel tur zawnna thawhkhatna chu khelh zawh a ni a, Netherlands leh England striker Memphis Depay leh Harry Kane te chuan goal 12 ve ve an khung. Barcelona leh Tottenham forward te hian an khelh zat aia tam an khung.

Goal khungtu ropui Cristiano Ronaldo pawh match sarihah goal ruk khungin kum 36 mi a ni tawh chungin goal khung tam zingah a la lang phak. Manchester United forward Ronaldo chungah hian Depay leh Kane bakah goal ruk khungtu Eran Zahavi leh Aleksandar Mitrovic te chauh an awm.