Medvedev-a'n Zverev a hneh

Daniil Medvedev chuan WTA Finals nomawi a kawl lai humhim ngei a tum a, group match-ah 2018 champion Alexander Zverev chu darkar hnih leh a chanve chhungin 6-3, 6-7 (3), 7-6 (6) in a hneh hram.

Red Group-ah Medve-dev hian hma a hruai mek, nizan khan Hubert Hurkacz leh tualchhung tlangval Matteo Berrettini te an inkhel ve leh thung - Hurkacz hi a chak a nih chuan Medvedev hi group match hnuhnung ber khelh hmain an tlang ang.

Russian tlangval Medvedev hian hnehna chang turin vawi 14 aces a siam a, a khingpui Zverev-a'n ṭum 18 a siam thung. Mahse, tihsual nei tlem zawk leh hun pawimawh laia point hmu thei zawk Medvedev a dingchang ta a ni.