ISL player man to ber Apuia a inpeih

Indian football-a player ṭhang-duang ber pawl Lalengmawia'n Mumbai City jersey ha chungin tun season ISL a hmachhawn dawn a, Mumbai club-in ISL player man to ber ni tura vaibelchhe hniha an lei player hian India rama club inelna sang hmachhawn tura a inpeih tawh thu a sawi.

Apuia chuan, "ISL player man to ber ka nih avangin pressure ka neih phah lo a, season hmasa aia ṭha zawka ka khelh theih nan keimah leh keimah hi ka infuih reng zawk a ni," a ti a, vaibelchhe hnih man a nihna chuan amahah nghawng a neih loh thu Vanglaini a hrilh.

Vaivakawn tlangval chuan, "ISL champion lai club-ah ka khel dawn a, AFC Champions League kan khel dawn bawk. A huphurhawm zawnga thlir ai chuan a phurawm ka ti a, season ṭan a châkawm tawh hle," tiin Vanglaini a hrilh a, Mumbai-ah sulhnu ropui hnutchhiah a tum.