Match hnih atan Griezmann an hrem

Antoine Griezmann chu Champions League lamah match hnih atan hrem a ni. Atletico Madrid forward hian hrem a nih vangin kar lehah AC Milan a hmachhawn thei dawn lo tihna a ni.

Thla hmasa khan Atletico hi Liverpool lakah an tlawm, hemi ṭum hian Griezmann hi hnawh chhuah a ni. Spanish club hi group B-ah pathumna an ni mek - Reds hnung zui turin Porto nen an inel mek avangin Griezmann khel thei lo tur hi a pawi thei dawn.

Diego Simeone naute hian UCL match an khelh hmain, tun kar tawpah La Liga lamah Osasuna an mikhual dawn, league-ah chuan Griezmann hi a chhawr theih ang.