Test captain aṭangin Paine a bang

Australia Test captain Tim Paine chuan kum 2017-a a thawhpui hmeichhia a message-na a darh avangin captain aṭanga a ban thu a sawi.

Cricket Australia (CA) chuan Paine-a banna hi an pawm a, chutihrualin Paine hi England nena Ashes Test khel tur squad-ah a tel chhunzawm ang.

Tuna vice captain ni lai fast bowler Pat Cummins chu captain hna chelh tura rin a ni. Test inelnaa ngaihhlut ber zinga mi Ashes chu December thlatir aṭangin khelh ṭan a ni dawn a, Paine-a chanchin duhawm lo avang hian T20 champion vanga phur Aussies boruak a daih phah ang.

Paine-a message thawn hi puanzar ni lo mah se zahmawh rawngkai lam niin sawi a ni a, kum 2017-a thil thleng a ni. Kum 2018 aṭangin Paine hian Australia tan Test captain hna a chelh ṭan a, a thiltih avang hian captain tlak a nih loh thu a sawi bakah a chhungte leh cricket fan chungah ngaihdam a dil bawk.