PSG tan Messi a insawrbing thei tawh

World Cup 2022 khel turin Argentina an tling ta bawk a, Lionel Messi chu a club thar Paris Saint-Germain tan a insawrbing thei tawh ang.

PSG hian zanin dar 9:30 hian Nantes an hmachhawn dawn. Messi chuan, "Ka dam ṭha e, dam ṭha lo ilang chuan Brazil ka hmachhawn lo ang. Kumin pawh ṭha taka khar ka duh," tiin club tana chet ṭhat zui a tum thu a sawi.

Argentina captain hi hliam vangin club tan a inlan tam tawk lo a, Ligue 1-ah match nga chauh la khelin goal a la khung lo. Messi hi Nantes hmachhawn turin a inpeih a, chutihrualin November 24, Nilaini zan hian Champions League-ah Manchester City an hmachhawn dawn avangin Mauricio Pochettino-a'n Ligue 1 lamah a awltir thei bawk.

PSG hian match 13 aṭangin point 34 an hmu a, khelh zat inangah anmahni hnaih bertu Lens aiin point 10-a an hmuh tam avangin Ligue 1 nomawi an chawi ngei a rinawm hle.