Rangers manager thar Bronckhorst

Scottish club lian Rangers chuan Steven Gerrard thlak nan Giovanni van Bronckhorst an lalut. Dutch manager chuan Rangers manager atana nemngheh a nih chu lawmawm a tih thu a sawi.

Kum 46 mi Bronc-khorst hian 1998 leh 2001 khan Rangers tan a khel a, nomawi panga chawipuiin chung zingah chuan league nomawi pahnih a tel.

Bronckhorst hi Arsenal leh Barcelona tan a khel zui a, Catalan club hi Champions League-ah a champion pui. Nether-lands international hlui hian a football career Feyenoord-ah a ṭan a, a hun tawp pawh Dutch club-ah bawk hian a hmang.

Dutch manager hian manager hna a chelh hmasak berah Feyenoord tho hi a enkawl a, Dutch league title bakah KNVB Cup leh Johan Cruyff Shield te a lakpui a ni.