Lingard a hmalam hun a chiang lo

Manchester United leh Jesse Lingard te contract chungchangah an inrem thei lo a, English midfielder hi a hmalam hun a chiang lo.

Kum 28 mi Lingard hi nakkum nipuiah a contract a tawp dawn, Old Trafford a chhuansan a rinawm. Season liam ta khan Lingard hian loan hmangin West Ham tan a khel a, a chet ṭhat avangin Premier League club parukin an sawm.

Sawmna ṭhahnem tak nei mah se Ole Gunnar Solskjaer hnuaiah Lingard hian khelhna hmun chan a harsat a, tuna a lan dan chuan January thlaa loan hmanga chhuah a duh tih a awm bawk.

Manchester United hian zanin dar 8:30 hian Watford an hmachhawn dawn. Solskjaer-a hote tan chak ngei a ṭul a, Watford zawh hian khualmualah Villarreal leh Chelsea an hmachhawn dawn avangin hmabak a hautak hle.