AB de Villiers-a'n cricket a chawlhsan

South Africa captain hlui AB de Villiers chuan cricket khelh a chawlhsan thu a puang. De Villiers chuan, "Kum 37 ka ni ve ta a, inkhelh châkna a reh ve ṭan a ni," tiin a sawi.

Kum 37 mi De Villiers hian 2018 khan ram tana inkhelh a chawlhsan a, hemi hnu hian T20 league a khelh chhunzawm. De Villiers a inkhelh hnuhnung ber chu October thla kha a ni a, kum 10 chhung a khelhna IPL club Royal Challengers Bangalore tan a inlan.

South African batter De Villiers hian ram tan inkhelh a chawlhsan hnu hian IPL-ah RCB, T20 Blast-ah Middlesex, Pakistan Super League-ah Lahore Qalandars leh Australia Big Bash League-ah Brisbane Heat tan te a khel a ni.