Kelsih tlangvalin gold medal a la

30th National Men and Women Sub-Junior, Junior, Senior and Master Bench Press Championship 2021-ah Mizo tlangval Lalhriatrenga chuan 120+ kg category-ah gold medal a la, Mizo zinga powerlifting-a India ram pum huap inelnaa gold medal la hmasa ber a ni.

Inelna hi Goa-ah November 16-20, 2021chhung khan neih a ni a, Mizoram aiawhin Kelsih tlangval Lalhriatrenga leh Ramthar Veng tlangval F. Lalmawipuia te an kal a, coach Abraham Lalṭhakima, Tlangnuam in a hruai.

Goa Mizo Welfare-ten Mizoram aiawha kalte hi an ṭawiawm ṭha a, chaw hluite an kilpui. Inelnaah hian William B. Vanlalfela chu national judge a nihna angin a kal a, championship-ah hian Technical Controller-in a awm a ni.