Mizoram coach-ten General Body Meeting an nei

Association of Mizoram Football Licensed Coaches (AMFLC) chuan November 19, Zirtawpni khan Thara Resort, Falkland-ah General Body Meeting an nei a, kum 2021-2024 chhunga hruaitu tur thlanna an nei nghal.

Khuallian atan Robert Romawia Royte hman a ni a, Sport & Youth Services minister chuan, "Mizo mipa te harh thar kan ngai, mut hmun aṭanga huaisen a tawk lo. Ke pen chhuah kan ngai a ni. Tlawmngaihna, aia upa zah te in zirtir kan ngai a, coach ten Football Academy kan neihna hmunah te, kan zir tir zel a pawimawh bawk.

"Naupang kaihruai thei ber tu chu coach te an nih avangin an mawhphurhna a dang a, coach te pawh nungchang entlawn tlak tak kan neih a ngai a. Football-ah chauh hmasawn lo hian nungchangah leh kan ziaah hian hmasawn tel ang u," tiin coach kalkhawmte a fuih.

Rorel inkhawmah hian coach rawihna chungchang sawiho a ni a, License coach rawih man atana ruahmanna chu License A&B atan Rs 35,000, License C (Rs 25,000), License D (Rs 15,000) leh License E (Rs 8000) te a ni.

MFA honorary secretary Lalnghinglova Hmar chuan, "Player inang rengah Mizo tlangvalte thlengsang turin ṭha ber nih a ngai ṭhin. Coach A- Lisence nei hi tam ila, ṭha ve tho ni loin ṭha ber kan nih loh chuan vaiho kan tluk thei ngai dawn lo. ISL leh India team-ah te Mizo kan luh dual dual ve theih nan coach ten ṭan kan lak zual a ngai a ni.

Coach ṭha kan nih chuan team enkawlah Mizo player te tan hun remchang kan siam sak thei. Coach ṭha chhawr theih kan ni tur a ni. Chhawr theih loh coach ṭha chu midang tan chenfak awm a nih theih loh avangin ṭan lak mai piahah inzir peih a ngai a ni," tiin a sawi ve bawk.

Kum 2021-2024 Office Bearer te
Danny Lalduhawma
Samson Ramengmawia
S. Malsawmtluanga (Mama)
HC Zarzoliana
Lalrintluanga
Jonathan C Lalrintluanga