Lungleiah Daze Star an champion

GIG Motors Season Opening Basketball Tournament-ah Daze Star chuan final-ah Chanmari chu 81 - 63 a hnehin Lunglei champion an ni.

Lunglei District Basketball Association buatsaih inelnaah hian team 10 an tel a, group hnihah ṭhen niin a sang pahnihin semifinal an lut. Daze Star hian pool match-ah Chanmari hi an hneh tawh a, final-ah hneh nawnin team ṭha ber an ni tih an nemnghet.

Thlirna Tawi
Semifinal - November 19, Zirtawpni
Daze Star 82 - 63 Bazarveng Diplomats
Net Ripperz 69 - 77 Chanmari
Final - November 20, Inrinni
Daze Star 81 - 63 Chanmari

Mimal Lawmman
Most Valuable Player Eric Zorinpuia Daze Star
Most Defensive Player S. Lalruatkima Chanmari
Rising baller B. Lalmuankima Chanmari
Most Promising Player Joseph Malsawmzauva Electric Veng