Inelna pathum an ṭhulh

Formual 1 season a buai zel, inelna pathum Japanese, Singapore leh Azerbaijan Grand Prix te chu kumin chhungin an nei thei dawn lo tih a chiang ta. A hun sawn lailawk zet mah se coronavirus vangin an tlan thei dawn ta lo a ni.

Japan sorkarin ram dang aṭanga mikhual neih a remtih loh avangin Suzuka tlankawngah tlan theih a ni dawn lo. Singapore leh Baku-ah pawh tun dinhmunah hna thawh theih a nih loh avangin an beiseina a thamral.

Australia leh Monaco Grand Prix-te chu ṭhulh fel a lo ni tawh bawk a, tuna pathum an ṭhulh belh leh tak avangin world championship pawh a nghawng na chho viau dawn tih chu a chiang. Inelna dang pawh ṭhulh leh theih a la ni bawk.

F1 chief Chase Carey chuan, "Tunlai kan hripui leng vang hian Azerbaijan, Singapore leh Japan te chuan kumin atan F1 inelna an thleng thei dawn lo. Harsatna an thawh hrang hrangte sawiho a ni a, keini lam pawhin ui tak chung siin kan hriatthiam a ngai," a ti.

Bahrain, Vietnam, China, Canada, Russia, USA, Mexico, Brazil leh Abu Dhabi te pawhin ruahman lawk ang hunah inelna an thleng thei dawn lo. July thlatir lam hian tun season chhunga a hmasa ber atan Austraian Grand Prix chu a hmuna entu awm loin tlan an tum.