Hliam vangin Neymar a buai

Brazil thiampuipa Neymar chuan Thawhlehni khan hliam vangin training ground a chhuahsan a, kum 26 mi forward hi nimin nileng khan enkawlna pek nghal a ni.

Selecao thupuangtu Vinicius Rodrigues chuan, "Switzerland nena kan inkhelah khan Neymar lakah an foul nasa em em a, khami khan a taksaah nghawng ṭha lo tak a nei a ni.

"Neymar hian na a nei tih a inhriatchhuah veleh physio a pan nghal a, uluk taka enkawlna pek a nih hnuah team training a zawm leh nghal ang," a ti a, Zirtawpni tlai dar 5:30-ah Costa Rica a hmachhawn hman an beisei.

Paris St-Germain forward hian February khan a ke phah dinglamah hliam a tuar a, World Cup hmain a dam hman. Friendly match-a Croatia leh Austria an hmachhawnah goal a khung nghal ve ve a, Russia-a an match hmasa bera Switzerland nen an inkhelah erawh beisei a phak lo.