T20 World Cup Thutlukna siam theih a la ni lo

International Cricket Council (ICC) chuan kumina neih tur T20 World Cup chungchangah thutlukna an la siam thei lo a, an la nghak hret dawn.

ICC chief executive Manu Sawhney chuan, "Thutlukna vawi khat chiah a siam theih a, tihsual a thiang lo. Chumi a nih avangin member te, TV lama pe chhuaktu te, kan thawhpui te, sorkar leh player te rawn hnuah thutlukna kan siam chauh ang," tiin a sawi.

T20 World Cup hi ruahman dan chuan October 18 leh November 15, 2020 chhung hian khelh tur a ni a, Covid-19 vangin ṭhulh thei dinhmunah a ding. ICC-in thutlukna an siam theih loh avangin BCCI pawhin Indian Premier League kalpui dan tur ngaihtuah turin an nghah leh rih a ngai dawn tihna a ni.