Hei le La Liga chu! Hmuhnawm tam takin min hmuak

European football-a inelna sang ber La Liga chu Covid-19 vanga chawlh a nih reng hnuah khelh ṭan a ni leh ta a, nizan khan match hmasa berah Sevilla chuan 2-0 in Real Betis an hneh nghal. 

Fixture hi round hnih chhung atan tihchhuah a ni phawt a, fixture tihchhuah hmasa ber hian June 18 thleng a awh dawn a, zantin match a awm dawn - July 19-ah league hi khelh zawh tura ruahman a ni. 

La Liga club 20-ten match 20 ṭheuh khelh tur an la nei a, table chung berah Barcelona an awm mek. Catalan club hi an hmelma kumhlun Real Madrid aiin point hnihin an sang zawk a, nomawi inchuh boruak ringawt pawh hi ngaihnawm a tling dawn. 

Spanish club-te buaina lian tak tur chu chawlh an nei khat tur hi a ni - Covid-19 avanga duh ang thala training nei thei lo chungin season an chhunzawm dawn a, match an nei chho zut dawn bawk. 'A harsa ang' tih hian a hrilhfiah zo kher lo ang.