Huddersfield player thar Juninho Bacuna

Premier League club Huddersfield chuan Dutch central midfielder Juninho Bacuna chu Eredivisie club FC Groningen aṭang­­in an lalut. Kum 20 mi Bacuna hian kum thum daih contract a ziak a, a ṭul dana zirin kum thum dang pawhsei leh theih tura tih a ni bawk.

Netherlands under-21 international Bacuna hian FC Groningen tan match 82 a khelh aṭangin goal hnih a khung sak a, goal khung hnem chi ni lo mah se Europa League lam thlengin a thiam zia a lantir tawh.

Terriers boss David Wag­­ner chuan, "Bacuna hi a kum a la naupang a, hlawh­tlinna chan duha tui­hal a ni. A theihna a pholan theih nan kawng tinrengin kan pui dawn a ni," tiin an player thar chungah beiseina an neih san thu a sawi.