Knudsen-a tan a ṭhiante inseng

World Cup-a Denmark tana feh chhuak Jonas Knudsen chu Russia-a a awm hlanin a nupuiin nau a hrin sak a, a fanu thar hi a hmuh ngei theihna turin Denmark tana a khelhpui a ṭhiante chuan pawisa inthawh ṭawmin private jet an hawh sak!

Kum 25 mi defender nupui Trine hian an beisei aia hmain nau hi a hring a, Russia-ah inkhel tura a awm tawh si avangin a ṭhiante chuan Knudsen hian naute leh a nu a hmuh ngei theih nan ruahmanna an siamsak ta a ni.

Denmark goalkeeper Kasper Schmeichel chuan, "Kan squad-ah hian nupui fanau nei tawh kan awm nual a, footballer kan nihna piahlama mihring ve tho kan nihna hi kan in en sak fo a ngai a, a fanu thar a hmuh ngei kha kan duhsak a ni," a ti.

Championship club Ipswich Town defender Knudsen hian squad a zawm leh tawh a, ram tan vawi thum a inlan ve tawh.