Halep a inhnukdawk

Hmeichhe tennis world number 1 Simona Halep chu karleh chhunga khelh tur Eastbourne-ah a inlan dawn lo. Romanian nula hian inlan tumin hming pe lawk tawh mah se, July 2 aṭanga khelh tur Wimbledon atan dam zawka inlan a duh vangin a inhnukdawk ta zawk a ni.

Romanian nula Halep hian Grand Slam title hmasa ber la turin French Open nomawi a chawi a, grass court inelna lian Wimbledon hi vawi riat a khelhna tur niin a vawi khat nan champion a tum dawn a ni.

Kum 26 mi Halep chuan, "Ka doctor ten hahchawl rih turin thurawn min pe a, hei vang hian tournament ka khel rih lo ang. Season hmasa khan Eastbourne-ah nuam ti takin ka inlan tawh a, season tharah ka inlan theih ngei ka beisei," tiin a sawi a, a inlan theih dawn loh vang hian tournament buatsaihtu leh fans chungah ngaihdam a dil bawk.