Johnkenty-a'n semifinal a lut

Ulaanbaatar International Boxing Championship-ah nimin khan Johnkenty Vanhlimpuia chuan quarterfinal-ah Song Myong su hnehin semi final a lut. Vawiin tlai hian Iran mi Mousavi Seyedshahin nen final luh an inchuh ang.

Tuipui tlangval Johnkenty-a tan tun ṭum hi India aiawha foreign-a a fehchhuah hmasak ber a ni a, Mongolia khawpuia inelna neihah hian first round-ah a bye avangin quarterfinal a lut nghal a, hnehna a chan zui avangin a chhe berah bronze medal chu a la tawh dawn tihna a ni.

Inhnek hun hi tlai dar 1:00 a ni a, live streaming hmanga inhnek lai en duh tan Boxing Federation of India (BFI) facebook page-ah a ngaihven theih ang.