Goal khung tum Son Heungmin

South Korea-in an match hmasa berah Sweden 1-0 in an hneh lo a, Tottenham Hotspur striker Son Heungmin chuan, "Goal khung tur berin goal ka khung lo a, kan chak loh chhannah mawhphurtu ka ni. Mi dang tiphur turin entawn tura ka awm a ngai," tiin goal khung a tum thu a sawi.

Son hian ram tan a match hnuhnung paliah goal a khung tawh lo a, Mexico nen an inkhelh hunah Premier League-a a tawnhriat a pawimawh ang. Amaherawhchu Mexico hi team ṭha zawk tura ngaih an ni a, Germany lama goal khungtu Hirving Lozano-a'n goal a khung leh thei a nih chuan El Tri player zinga WC match hmasa pahnih khung thei hmasa ber a ni ang.