Belgian GP an tlan zel dawn

Car intlansiakna sang ber Formula 1 chu Belgium-ah an tlan chhunzawm zel dawn. Belgian Grand Prix hi 2021 thleng atan chhunzawm turin inremna an siam fel leh tawh a ni.

Belgian Grand Prix hi 1925 khan a vawi khat nan tlan niin, tunlai hian Spa-Francorchamps tlan kawngah tlan ṭhin a ni. Season hmasa khan Lewis Hamilton chuan hnehna changin, Mercedes driver hi a champion zui–tun season atan August 26 hian an tlan dawn bawk.

Formula 1 director of promoters Chloe Targett-Adams chuan, "F1 hi Europe aṭanga bul inṭan a ni a, he hmunah hian a hlutna a vawn nun zel a ngai a ni," a ti. F1 neitu thar Liberty Media pawhin neitu an nih tirh khan thil hlui leh sulhnu hlu tak takte chu an chhawmnun zel tur thu an lo sawi tawh a ni.