Dybala a dam tawh

Zanin dar 1:30 hian Champions League champion lai Chelsea chuan Juventus an lo mikhuaal dawn. Team pahnih hi group H aṭangin last 16 lut turin an tlang chiang tawh a, group hmahruaitu nih inchuhna a ni ang.

Allianz Stadium-a an intawn ṭumin Juve an chak, an elpui Chelsea aiin point thumin an sang mek. Thomas Tuchel-a naute hian hmahruaitu nih an duh a nih chuan Old Lady hi an hneh let ngei a ngai dawn.

Turin khawpuia an intawn ṭumin Paulo Dybala chu hliam vangin a inkhel thei lo, Italian forward Federico Chiesa goal khat hmangin Juve an chak a nih kha - tunah chuan forward Dybala leh Chiesa te an inkawp thei tawh dawn.

Dybala hi kar tawpa Lazio an hneh ṭum pawhin a inlan lo. Mahse, team training a zawm pangngai tawh a, coach Massimiliano Allegri-a'n a duh a nih chuan a bul aṭangin a chhawr thei tawh ang.

Tuchel-a'n, "Group hmahruaitu nih chu duhthusam," tiin a lo sawi tawh. Pahnihna ni chunga tlang chuan last 16-ah team khauh zawk hmachhawn theih a ni a, hmahruaitu nih ngei tum chungin mikhual an thleng dawn.

Premier League hmahruaitu hian Leicester City an hneh ṭumin Romelu Lukaku an la chhawr duh lo, zaninah erawh duh chuan hman theih a ni tawh ang. Timo Werner pawh a dam chiang tawh a, tlarhma lama khel tur thlan thiam a harsa zawk hial ang.