Kawnpui an thiam ber

Hockey Mizoram buatsaih Olympic Day Celebration 5s Hockey Tour­nament chu June 23, Inrinni khan Chaltlang field-ah khelh zawh a ni a, Kawnpui Hmar Veng GSA chu mipa champion niin, hmei­chhe inelna huang­ah Rokimi Hockey Club chu pakhatna an ni bawk.

Mipa inelna hmawr bawknaah Kawnpui tan Vanroluaha chuan goal thum khungin, an khaw club ve tho Mahmui Hockey Club chu 3-1 in an hneh a, team lehlam goal neihchhun hi Lalruatdika vuak luh a ni thung. Kawnpui Hmar Veng hian an match hmasa lamah Sihphir chu 13-1 ngawtin an sawp tawh bawk a, tun inelna bikah mipa team ṭha ber an nihzia an lantir chiang hle.

Hmeichhe inelna lamah Rokimi Hockey Club chuan 10-0 ngawt­in Pachhunga University College an sawp. K. Ngaihpari leh Sangzuali ten goal thum ve ve an vuak luh bakah Lalrin­chhani chuan goal hnih khungin Rambeiseii leh Lalmuanawmi ten goal khat ve ve an thawh bawk.

Mipa inelna hi knock­out khelh a nih laiin, hmei­chhia erawhin league-a khelh a ni thung. Hockey Association, Kolasib Dis­­trict chuan 4-8 in Rokimi HC hneh lo mah se, Pachhunga University College lakah 9-0 in hnehna an chan tawh avang­in pahnihna din­hmun an luah thung a ni.

Lawmman
Mipa
Champion Kawnpui Hmar Veng Rs 20,000/- + Trophy
Pahnihna Mahmui HC Kawnpui Rs 10,000/- + Trophy
Best player Lalchhantluanga, Kawnpui Kawnpui Hmar Veng
Hmeichhia
Champion Rokimi HC Rs 20,000/- + Trophy
Pahnihna Kolasib District Rs 10,000/- + Trophy
Best player Lalsangzuali, Sihphir