JohnKenty-a'n bronze medal a la

Ulaanbaatar International Boxing Championship-ah Mizo tlangval JohnKenty Vanlalhlimpuia chuan Inrinni khan semifinal-ah Iran mi Mousavi Seyedshahin a hneh lo a, bronze medal a la.

Mongolia khawpui Ulaanbaatar-ah JohnKenty hi first round-ah a bye a, quarterfinal-ah Song Myong Su chu a hneh a, tun ṭum hi Tuipui tlangval tan India aiawha a fehchhuah hmasak ber a ni. Chutichung chuan JohnKenty hian round hmasa pahnihah Mousavi Seyedshahin hi a khing tawk a, amaherawhchu round tawp berah tawnhriat nei ṭha zawk Iranian boxer hi a che ṭha ta zawk a ni.

Ulaanbaatar-ah hian Indian boxer pangain final an lut a, chungte chu world silver-medallist Sonia Lather (57kg), kumin kumtira neih gold medallist Lovlina Borgohain (69kg), Commonwealth Games silver-medallist dawng tawhtu Mandeep Jangra, Himanshu Sharma (49kg), leh Muhammed Etash Khan (56kg) te an ni.

Mizo tlangval JohnKenty bakah hian Shiva Thapa (60kg), Ashish (64kg) leh Bina Devi Koijam (48kg) ten bronze medal an dawng ve bawk.