Match 800 chak thei Djokovic

Novak Djokovic chuan match 800 hnehna a chang tling ta. Serbian tlangval hian Adrian Mannarino chu 7-5, 6-1 a hnehin Fever-Tree Championship semifinal a inhlangkai a, Inrinni zan khan Jeremy Chardy hneh lehin final a lut zui bawk.

World number 1 hlui Djokovic leh Marin Cilic ten nizan khan nomawi an inchuh zui a, he thu buatsaih lai hian result kan hre hman lo. US Open champion hlui Cilic hian tun hnaia khel ṭha tak Nick Kyrgios chu 7-6 (7-3), 7-6 (7-4) in a lo hneh ve bawk a ni.

Grand Slam vawi 20 champion tawh Djokovic chuan, "Mellung pawimawh a ni a, sulhnu ṭha leh chhinchhiah tlak a ni bawk. Ka tawnchin apiang hi ka ngaihluin ka chhuang ṭhin hle a, chanchin chhinchhiah tlak dang hnutchhiah leh pawh ka duh," tiin a sawi.