Kvitova tan nomawi
Misualin a ban hman thiam lam an hliam tawhna ngei maiin Petra Kvitova chuan champion nomawi a chawi leh ta. Pathianni zan khan Kvitova hian Magdalena Rybarikova hnehin Nature Valley Classic title a kawl lai chu a humhim.
2011 leh 2014 Wimbledon champion champion Kvitova hi rinkai chunga inlan ni mah se awlsam takin a chak mai bik lo. Birmingham-a inkhelah set hmasa hloh chungin 4-6, 6-1, 6-2 in a chak let thei.
Czech Republic nula Kvitova hi 2016 khan a chenna inah chemte hmanga beih niin, tennis a vuak thiamna ban vei lam chu hliamin zai a ngai hial. A dam hnuah ṭha taka rawn khel chhuak leh tawhin kuminah match 37 hnehna chang tawhin WTA title panga ngawt a chawi tawh a, vawi hnih a champion tawhna Wimbledon-ah pawh rinkai a ni phak ang.