Mizoram Under 25 inlan dawn

Vawiin chawhma dar 8:00 hian Mizoram Under 25 cricket team chuan Manipur an hmachhawn dawn a, inelna hi Numalijalah Parade Ground, Guwahati-a neih niin hri leng vangin a hmunah entu an awm thei lo.

Board of Control for Cricket in India (BCCI) hnuaia inelna neih laiah hian state pawn player lak theih a ni lo. Mizoram hi plate group-ah awmin Assam an ngam loh hnuah Nagaland leh Sikkim te an hneh ve leh tawh a ni.

Mizoram team manager Laithanzuala chuan, "Match hnih kan chak tak avangin inrintawkna kan nei sang, kan khingpui tur Manipur pawh an match hnuhnung bera chak an nih avangin an phur ve bawk," tiin Vanglaini a hrilh.