Bayern player ten hlawh la tlem dawn

Coronavirus vangin football a buai a, player ṭhenkhat chu ṭanpui ngaite tan an pen chhuak. Bayern Munich player-te chuan an club chu sum lama an buai lutuk loh nan an hlawh aṭanga 20% an lak loh tur thu an sawi.

German rama football inelna sang ber Bundesliga hi April 2 thleng an chawl lailawk mek, club hian sponsorship leh ticket aṭanga sum an lakluh ṭhin bakah sumdawnna lamah sum an hloh nasa dawn.

German club zingah Borussia Moen-chengladbach player-te chu hlawh lak tlem tum hmasa an ni a, anni bakah hian Werder Bremen leh Schalke 04 te pawhin an tum. Borussia Dortmund manager Lucien Favre chuan a mimal hlawh a lak tlem tur thu a lo sawi ve tawh bawk.