National C'ship-ah Nutei

Hero 26th Senior Women's National Football Championship 2021-2022 khelh turah Mizo nula F. Zohmingliani (Nutei) chu match referee a ni dawn. Nimin khan inelna neihna tur panin a kal chhuak a ni.

Tournament hi Kerala-ah neih tur niin, All India Football Federation (AIFF) hnuaia hmeichhe team hrang hrang an tel dawn. Mizoram Football Association (MFA) pawhin team a tir.

Mizo zingah chuan Nutei hi national referee (active) kan neih awm chhun a ni. National referee-te hi kum khatah vawi hnih fitness test neih tir ṭhin an ni a, vawi khat an test hi thla ruk chiah a dam - engtik lai pawhin fit taka awm reng a ngai tihna a ni.

Kum 2015 aṭang khan Nutei hi national referee a ni tawh. AIFF hnuaia inelna hrang hrangah match a conduct fo tawh a, hripui leng vanga inelna awm loh hnuah tun hnaiah a awm leh ṭan a, koh a ni lehnghal.