Mizoram teamin Imphal an thleng

Santosh Trophy quali-fying round khel tur Mizoram chuan Nilaini khan Aizawl an chhuahsan a, nimin khan inelna neihna tur Manipur an thleng.

Mizoram team-te hi nimin khan RT-PCR hmanga Test nghal an ni a, vawiinah result a chhuak ang. 2014 Santosh Trophy champion team hi Hotel Nightingale-ah an thleng a, inelna neihna tur Khuman Lampak Main Stadium aṭang pawhin a hla lo.

Coach Samson Ramengmawia leh manager K. Lalenghluna ten Mizoram team hi an kaihruai a, group B-ah Manipur, Nagaland leh Tripura te nen an awmho.

Group khat aṭangin team khat chauhin final round an lut dawn a, Mizoram hian match hmasa berah Tripura chu November 28, Pathianni hian an hmachhawn ang.