Inrintawkna kan nei sang - Djokovic

Davis Cup khel tur Novak Djokovic chuan inrintawkna an neih san thu a sawi a, inelna neih hnuhnunga an chet fuh lohna chuan rilru paukhauh zawk a siamsak thu a sawi chhuak bawk.

Kum 2019 Davis Cup-ah khan Djokovic awmna Serbia hian semifinal-ah Russia an hneh lo. Inkhel pawimawh takah Viktor Troicki leh Djokovic te ṭangdun chu doubles huangah an chak lo a, an tlak phah bawk a ni.

World number 1 Djokovic chuan, "Davis Cup kan khel leh tur hi a phurawm, a bik takin kan team hi kan in kawmngeihin nuam kan ti tlang hle. Inbuatsaihna lam a ṭha a, engkim mai hi ruahman anga a kal theih a rinawm.

"Inelna kan hma-chhawn hnuhnung ber kha a boruak kan la hria a, result ṭha lo kan nei a nih kha. Ka chak lohna khan chak duhna rilru min pek belhchhah a, tunah chuan result a danglam tawh ngei a rinawm," a ti.

Serbia hian an match hmasa ber atan zanin hian Austria an hmachhawn ang. Austria hian hliam vangin an player pawimawh Dominic Thiem chu an chhawr thei dawn lo.