Zaninah inter veng basketball semifinal

Chawnpui Branch YMA-in an Branch YMA kum 50 tlinna atana an buatsaih Inter Veng Basketball Tournament chu zanin hian Chawnpui Recreation Centre-ah semifinal khelh a ni dawn.

Zan dar 6:00-ah Khalta South leh Ramthar Veng an inkhel ang a, zan dar 8:00-ah inelna buatsaihtu Chawnpui leh Republic Veng te an inkhel chhunzawm ang. Final hi Inrinni zan dar 8:00-ah khelh tur a ni.

Chawnpuiin seeded no. 1 Dawrpui Vengthar an hneh avangin dah hniam an ni tawh lo a, an venga nomawi chawi turin beiseina sang tak an nei ang.

Rinkai ber erawh Ramthar Veng an ni a, chutihrualin dark horse tia chhal theih Khatla South hian vanneihna an ken tel avangin final lut chianga indah theih erawh an la ni lo.

Zanin Inkhel Tur
Semifinal
Khatla South 6:00 PM Ramthar
Chawnpui 8:00 PM Republic Veng

Quarterfinal
Khatla South 91–90 Ramhlun North
Republic Veng 78–74 Tuikhuahtlang
Bungkawn 59–73 Ramthar
Dawrpui Vengthar 66–79 Chawnpui