NBA player hlu ber Harden
Houston Rockets point guard James Harden chu 2018 NBA Most Valuable Player atan a vawi khat nan thlan a ni a, Rockets player zingah MVP award dawng thei pathumna chiah a ni a. NBA Awards ceremony hi June 25 khan Barker Hangar, Santa Monica-ah neih a ni.
Chawimawina ngaihhlut dawng turin Harden hian Cleveland Cavaliers thiampuipa leh MVP vawi li ni tawh LeBron James bakah New Orleans Pelicans star Anthony Davis te a khum.
Season liam ta khan Harden hian match tinah point 30.4 zel score ang a ni a, hei bakah hian 8.8 assists leh 5.4 rebounds nei ziah anga chawhrual a ni bawk. A team hi Western Conference champion nih pui mah se playoff-ah erawh NBA champion Golden State Warriors an ngam lo thung.
Kum 28 mi Harden chuan, "Mihring hian hun nuam leh hlu bik tawn chang kan nei ṭhin a, ka tan chuan tun ṭum hi a ni. Ka hlimna min ṭawmpuitute chungah lawmthu ka sawi a, a bik takin ka nu chungah ka lawm," a ti. Award semna hmunah Harden hi a nu in a kalpui a ni.
NBA leh Chawimawina
Most Valuable Player Award James Harden, Houston Rockets
Rookie of the Year Award Ben Simmons, Philadelphia 76ers
Defensive Player of the Year Award Rudy Gobert, Utah Jazz
Sixth Man of the Year Award Lou Williams, Los Angeles Clippers
Most Improved Player Award Victor Oladipo, Indiana Pacers
Coach of the Year Award Dwane Casey, Toronto Raptors
Teammate of the Year Award Jamal Crawford, Minnesota Timberwolves
Hustle Award Amir Johnson, Philadelphia 76ers
Sportsmanship Award Kemba Walker, Charlotte Hornets
Lifetime Achievement Award Oscar Robertson, Milwaukee Bucks
Cares Community Assist Award Kevin Durant, Golden State Warriors
Executive of the Year Award Daryl Morey, Houston Rockets
Sager Strong Award Dikembe Mutombo
NBA All-Defensive Team
Hming Club
Rudy Gobert Utah Jazz
Anthony Davis New Orleans Pelicans
Victor Oladipo Indiana Pacers
Jrue Holiday New Orleans Pelicans
Robert Covington Philadelphia 76ers
NBA All-Rookie Team
Hming Club
Donovan Mitchell Utah Jazz
Ben Simmons Philadelphia 76ers
Jayson Tatum Boston Celtics
Kyle Kuzma Los Angeles Lakers
Lauri Markkanen Chicago Bulls