Saints player thar Armstrong

Premier League club Southampton chuan Celtic midfielder Stuart Armstrong chu kum li chhung atan an lalut a, Armstrong lalut tur hian pound maktaduai sarih vel bawr an hmang.

Kum 26 mi Armstrong hian 2016 khan Dundee United aṭangin Celtic a zawm a, season thum chhungin goal 28 a khung sak. Season liam ta bikah khan Brendan Rodgers kaihhruaina hnuai­ah goal 17 ngawt a khung a vangin amah­ah beiseina a sang dawn hle.

Southampton boss Mark Hughes chuan, "Kan club tana zirchianna nei tu ten Armstrong hi kan tana ṭha tak tura an hmuh a ni. A kum a la naupang a, a fingin tharum a ngah bawk," tiin a sawi. Armstrong hian Scottish Premiership nomawi pahnih bakah, Scottish Cup leh Scottish League Cup title pahnih ve ve a chawi pui hman bawk.

Season hmasa khan Southampton hi Premier League-ah 17-na a ni a, league sang ber khel chhunzawm turin an him hram a, season tharah chuan hmasawn an tum dawn. 2018-19 season-a an match hmasa berah August 11 hian Burnley an hmachhawn ang.