Juventus defender thar Joao Cancelo

Italian champion Juventus chuan Valencia aṭangin Joao Cancelo chu kum nga chhung atan an lalut a, Portuguese defender hian pound maktaduai 35.5 in Turin club hi a zawm.

Juventus hian an defender rinrawl Stephan Lichtsteiner chu Arsenal lamah free transfer-in an chhuahtir a, Switzerland captain hmun ruak hi Cancelo-a'n a luah khat leh nghal ang.

Kum 24 mi Cancelo hian season hmasa kha loan hmangin Inter Milan-ah hun a hmang a, San Siro-a hun a hman chhungin league match 26 a khelah goal khat a khung. League lama an elpui Juve-in a theihna an hmuh hmaih lo, season thara an squad tichak turin an lalut.

Massimiliano Allegri-a'n Serie A bakah Champions League lamah hlawhtlin tumin a team a thuam chak mek zel, Cancelo hma hian midfielder Emre Can leh goalkeeper Mattia Perin te a lak bakah winger Douglas Costa chu an la nghet tawh bawk.