Duhsakna dawngtu Serena

Serena Williams chuan Wimbledon buatsaihtute duhsakna a dawng a, American star hi world ranking anga chhut chuan seeded zinga tel phak lo tur ni mah se seeded 25-na nih tir a ni.

Grand Slam vawi 23 champion tawh Serena hian fa a neih avangin hun rei tak chhung tennis a khel thei lo a, a rawn kir leh hnuah tournament pathum chiah la khelin tunah hian world number 183-na a nei mek. World number 32 thleng chin thlan ṭhin an nih laia Serena an thlan tak daih avangin Dominika Cibulkova tan hmun a awm loh phah.

Mipa lamah world number 2 Roger Federer chu seeded pakhatna niin, champion lai hnungah hian world number 2 Rafael Nadal a awm thung. Tualchhung player langsar Andy Murray chu vawi hnih a champion tawhna hmunah hian duhsakna pek hran bik a ni lo thung.