Ni kaw hnuah Mihajlovic an ban

Sporting Lisbon chuan Sinisa Mihajlovic chu manager atana an lakluh aṭanga ni kua lek a liam hnuah an ban leh nghal! Mihajlovic hian season hmasa aia an chet ṭhat tur thu sawi mah se hna thawk hman loin a chhuah leh a ngai ta zawk a ni.

May thla khan Portuguese Cup final-a Aves nen an inkhelh tur an inbuatsaih laiin fan 50 bawr velin player leh staff an bei chiam a, beisei angin season an hmang ṭha lo–league lamah an hniam avangin season tharah Champions League an khel phak dawn lo.

Heng thil thleng avang hian player pakua ngawtin an contract neih lai an titawp zui tawh a, club chhungah buaina a awm avangin an dinhmun a ṭha lo rih hle, tuna an dinhmun ngaihtuah chuan season thara insiamṭhat nghal a awlsam lo ang.

Club president Jose Sousa Cintra chuan, "Sporting chuan Mihajlovic a hun lailawk chu kan ti tawp a, a contract pawh tih tih tawp a ni bawk. Hun rei lote chhungin coach thar kan nei dawn a, July 2-ah kan puang thei ang," tiin a sawi.

President hmasa Bruno de Carvalho-a hun laiin AC Milan, Torino, Fiorentina leh Sampdori pawh enkawl tawh Mihajlovic hian June 18 khan kum thum daih contract a ziak a, mahse Carvalho hian a hna bansain, president thar Jose Sousa Cintra-a'n thuneihna a chan tak avangin manager chungchangah pawh ngaihdan hran an nei ta thut zawk a ni.