Champion lai hnehtu Sabalenka

Wimbledon inbuat­saihna pakhat Eastbourne grasscourt championship khelh mekah champion lai Karolina Pliskova chu Aryna Sabalenka hneh loin quarterfinal-ah a tla.

Ningani zan Nature Valley International-a inkhelah world number 7 Pliskova hi 6-3, 2-6, 7-6 (7-5) in world number 45 lakah a tlawm a, Sabalenka hian a ball vuak nat hmang ṭangkaiin vawi 40 ngawt winners a vaw chhuak thei. A match lehpekah chuan Jelena Ostapenko hnehtu Agnieszka Radwanska a hmachhawn leh ang.

Inkhel dangah Caro­line Wozniacki chuan 6-4, 6-3 a Ashleigh Bar­ty hnehin semifinal a inhlangkai a, seeded pakhatna Wozniacki hian final lut tur chuan Angelique Kerber a paltlang leh a ngai dawn. Grand Slam vawi hnih champion tawh Kerber hian Daria Kasatkina chu 6-1, 6-7 (3-7), 7-6 (7-3) in a lo hneh ve bawk.