Vieira-a'n hna a thawk ṭha - Gerrard

Zanin dar 8:30 hian Selhurst Park-ah Crystal Palace hmachhhawn turin Steven Gerrard enkawl Aston Villa an lenglut dawn. Villa hian Liverpool legend hnuaia an match hmasa berah Brighton & Hove Albion 2-0 in an hneh.

Kum 41 mi Gerrard chuan, "Vieira nena khai khin theih kan nihna chhan chu football kan khelh zawhah academy kan enkawl ve ve. TV hmaaa lang loin chetsual theihna hmun kan luhchilh. Vieira hian Man City Under 23 enkawlin manager hna a thawh theihna kawng a in sial chawp a, ka ngaisang hle," tiin a khingpui tur manager a fak.

Arsenal legend Vieira hote hian September 18-a Liverpool an hneh loh hnuah hneh loh an tawng tawh lo a, an khingpui zingah Arsenal (2-2) leh Manchester City (2-0) te an tel avangin Gerrard-a hote tan hna harsa tak a ni ang.